念舊 Notebook + 經前大食症
終於又一星期 今個星期短週 相對多啲私人時間 而今個星期又開始番古箏 所以都要開始分配時間練習 除咗練琴就開始寫blog 部notebook呢其實都用咗三年 但就牛龜咁慢嘅 又唔捨得掉 除咗慢之外 個keyboard都有4，5個制係壞嘅 於是返娘家攞返個keyboard插嚟用 叫解決咗個問題 希望個電腦生生性性啦 都想一路用落去 我唔想換機呀 今個星期日呢小女子又成日都冇出街 放假留喺屋企呢就最好嘅 兩餐都係嗌外賣 又遇著經前大食症啦 早前 有個post 呢就有提過唔可以食甜野 但係都破咗戒喇 食咗格仔餅 簡直係人間美味 有研究顯示呀 糖同埋油如果係一比一嘅話呢 係最容易令人上癮嘅 格仔餅應該屬於此類 (食一次又要隔起碼一個月先再食㗎喇) 即係上次有講甜嘢唔好入口啦 轉頭又開左包糖食 跟住又頭痛呀 跟住又攰啦 其實之前話有啲國家可以m到請假係真係非常之好嘅德政 即其實m到都算係一個身體不適 可以請返一日假喪瞓都唔錯 不過可惜呢度係。。。香港 like and share 小女子露媚
